Бүгін «Ұлттық ғылыми-техникалық ақпарат орталығы» АҚ-ы мен Springer халықаралық басылымдар компаниясы белсенді түрде ғылыми мақала жариялап, әлемдік ғылымның дамуына үлес қосып келе жатқан Орталық Азияның белді ғалымдарына арнап тағайындаған «Top Springer Author» сыйлыған табыс етілді. Айтулы сыйлық Springer компаниясының беделді ғылыми журналдарына мақала жариялап, жоғары сілтемелік көрсеткішке ие болған ғалымдар ие болды. «ҰҒТАО» АҚ-ы мен Springer комапниясы алдағы уақытта бұл сыйлықты Орталық Азияның жетекші ғалымдарына беріп тұруға уағдаласты. Өз кезегінде сөз алған «ҰҒТАО» АҚ-ы президенті Әділ Ыбыраев бұл сыйлық Кіндік Азиядағы ғалымдардың белсенді жұмыс істеп, аймақтағы ғылымның дамуына үлес қосатынын алға тартты.

«Top Springer Author» сыйлығына ие болған Орталық Азияның ғалымдары

Салтанатты шара барысында Қазақстан, Қырғызстан және Тәжікстанның ғылымдары қатысып, арнайы марапатқа ие болды. Жиын барысында ғылыми ақпарат тарататын ірі компаниялардың Қазақстанмен тығыз қарым-қатынас орнатып, жан-жақты жұмыс істеп жатқанын алға тартты. Сонымен алғаш рет ұйымдастырылып отырған «Top Springer Author» сыйлығына биыл Қазақстаннан Е.Гумилев атындағы Еуразия Ұлттық университетінің «Жалыпы және теориялық физика» кафедрасының жетекшісі, физика-математика ғылымдарының докторы, академик Рәтбай Мырзақұлов, Органикалық синтез және көмір химиясы институтының жетекші ғылыми қызметкерлері зертхана меңгерушісі, химия ғылымдарының докторы, профессоры Оразалы Нұркенов пен химия ғылымдарының кандидаты Серік Фазылов, Қазақ-Британ техникалық университетінің профессоры Әнуарбек Мейрамов, Ядролық физика институтының зертхана меңгерушісі, физика-химия ғылымдарының докторы Юрий Төлешев ие болса, Қырғызстаннан «Геоприбор» ғылыми-инженерлік орталығының директоры Исакбек Торгоев, Қырғызстан Ғылым академиясының Сейсмология институтының директоры Қанабек Абрахматов және геология-минералогия ғылымдарының докторы Владислав Баталев «Top Springer Author» сыйлыған қанжығаларына байлап қайтты. Ал Тәжікстаннан келген Математика институтының бөлім меңгерушісі Мирганд Шабозов өзіне тиесілі сыйлығын еліне алып қайтты.

«Top Springer Author» сыйлығының иегері қазақ ғалымы Рәтбай Мырзақұлов Springer компаниясының қызметкерлерімен бірге

2650