Шығыс Қазақстан техникалық университетінің ғалымдары Рудный Алтай аймағындағы сирек металдардың минералдануын зерттеп жатыр. 

Жұмыстың негізгі мақсаты – Орталық Қалбаның (Бакенный, Юбилейное, Белая Гора және т.б.) белгілі өнеркәсіп объектілеріне ұқсас сирек металды пегматиттік кен орындарын анықтау және Солтүстік Батыс Қалба аймағының және Рудный Алтайдың іргелес аумақтарының көрінбейтін орындарындағы гранитті күмбездермен байланысты сирек металдардың кендену перспективаларын бағалау.  

Рудный Алтай аймағындағы сирек металдар оқшауланған шағын кен орындарында  кендене бастаған. Тарихи тұрғыдан алғанда бұл аймақ полиметалл кендерінің жайылуы бойынша егжей-тегжейлі зерттелді, сирек металдар болса құрамдас бөліктер ретінде қарастырылып келді немесе мүлдем қарастырылмаған. Алтын-полиметалдық типті кен орындарында сирек металдардың едәуір мөлшері табылды. Геологиялық құрылымына, гранит массивтерінің болуына және тектоникалық бұзылыстарына байланысты Рудный Алтай сирек металдар кендерін ашудың перспективалы аймағы болып табылады. 

Ұзақ уақыт бойы перспективасы жоқ деп есептелген Солтүстік Батыс Қалба аймағы 80-жылдардың аяғынан бастап Кварцевое, Ақтөбе кен орнының, Ковалевское, Алыпкел, Қайыңды, Кіші Қайыңды және басқа аудандардың сирек металды пегматиттерінің кен орындары пайда болғанда зерттеушілердің қызығушылығы артты. Өткен жылдардағы жұмыстар негізінде ауданның келешегі негізінен осы аумақтың аз ғана бөлігін құрайтын ашық аймақтарды зерттеу арқылы қалыптасты.

Жоба Солтүстік Батыс Қалба және Рудный Алтайдың іргелес аумақтарының геологиялық құрылымын нақтылауға, сирек металдар кендерінің қалыптасуының петрогенетикалық үлгілерін құруға және оларды Орталық Қалба сирек металдар аймағындағы кен орындарының геологиялық үлгілерімен салыстыруға бағытталған.