Халықаралық ғалымдар тобы кең ауқымды генетикалық зерттеу жүргізіп, бұрынғы заманда өмір сүрген қасқырлардың екі популяциясынан тұқым қуалайтын үй итінің геномында екі тектік генетикалық сызықты табуға болатынын анықтады. Бұл туралы https://www.nature.com жазды.

Олар Шығыс Азияда (Қиыр Шығыста) және Таяу Шығыс аймағының аумағынан шыққан деп отыр ғалымдар. Сонымен қатар, бас сүйегінің қалыптасуында маңызды рөл атқаратын геннің вариациясының тарихын бақылаған. Бұл ертедегі сирек кездесетін қасиетінен бастап қазіргі заманғы барлық қасқырлар мен иттердегі интегралдық сипаттаманы анықтауға мүмкіндік берген.

Иттер ерте кезден-ақ адамдардың қолға үйреткен жануарларының бірі екені белгілі. Қазіргі иттердің қайдан шыққаны, бұл бір тұқымның популяциясы ма, әлде бірнешеуінің араласуы нәтижесінде пайда болды ма әлі толық белгісіз.

Осыны анықтау үшін ғалымдар палеогенетикалық әдістерді қолданып, оның көмегімен ежелгі жануарлардың қалдықтарынан тұқым қуалайтын материалды зерттеген. Тек ертеде өмір сүрген адамдар қоныстарының маңында жерленген жануарлар ғана емес, жабайы жануарлар да зерттелген екен. Көне сүйектердегі геномдар біздің заманымыздағы жануарлардан алынғандармен салыстырылады, осылайша олардың алыс туыстарын табуға болады. Қазіргі уақытта археологтар көптеген материалдар жинады, сондықтан мыңдаған жылдардағы бүкіл жүйелі топтардың эволюциясын бақылай алады.