Британия Үкіметінің ғылыми сараптау комиссиясы тамақтану мәселесі төңірегінде жүргізілген зерттеу қорытындысында мәлім болғандай, ересек адам мен бір жастан асқан балалар үшін күніне 10 микрограмм D дәруменін қабылдау керек екен.

Ресми мәлімет бойынша Англиядағы әрбір бесінші ересек адамның және әрбір алтыншы баланың ағзасына D дәрумені жетпейді.
Британия тәрізді күн сәулесінің жетіспеушілігінде өмір сүретін тұрғындарға D дәруменінен қол үзуге болмайды.

"Аталмыш дәруменді көбіне күн көзінен алуға болады, тамақ өнімдерінде өте аз кездеседі. Бұл дәрумен 3-4 жастағы балаларға аса қажет. D дәрумені жетіспесе бала мешелге (рахитке) ұшырайды. D дәрумені тунец, тресканың, басқа да балықтардың бауыр майында мол" дейді мамандар.

Ересек адамдар Д дәруменін көп қажетсіне қоймайды. Тек ол адам ағзасына жарық жетіспегенінде (шахталарда жұмыс істегенде) ғана аса қажет.
Зерттеу қорытындысы көрсеткендей аталмыш дәруменнің жеткіліксіздігі қатерлі ісік дертінің асқынуы мен клиникалық синдром остеопороз дертінің ұлғаюына әкеліп соқпақ. Сонымен бірге мұндай дәрумен жетіспесе адамның ақылынан алжасуы да әбден мүмкін.

Дереккөзі: today.kz