Елбасының халыққа арнаған биылғы Жолдауы «Қазақстан жолы – 2050: Бір мақсат, бір мүдде, бір болашақ» тақы­ры­бында өрбіді. Маңызды құжаттың ерек­шелігі ретінде Қазақстан тарихына енетін 10 креативті идеяны атап өтуге болады.
Елбасының халыққа арнаған биылғы Жолдауы «Қазақстан жолы – 2050: Бір мақсат, бір мүдде, бір болашақ» тақы­ры­бында өрбіді. Маңызды құжаттың ерек­шелігі ретінде Қазақстан тарихына енетін 10 креативті идеяны атап өтуге болады. Сол 10 бағыттың ең маңыздысы деп – ғылымды айтқан болар едім. Өйткені бо­лашақ білімді ұрпақтың қолында. Елбасы айтқандай, келешекте шетелдік инвес­тициялар бүтіндей біздің елімізге білім мен жаңа технологияларды трансферттеу үшін пайдаланылатын болады. Сонымен қатар шетелдік компаниялармен бірге, жо­балау және инжинирингтік орталық-тар құрылып, технопарктерде ең ірі қа­-зақ­стан­дық компаниялардың қосымша өнді­рістері салынбақ.
Білім саласындағы олқы түсіп, түйіні тарқатылмай келген мәселелер тап осы бо­латын. Елбасы осы олқылықтардың ор­нын толтыру керек деп дөп басып айтты. Тәуелсіздік алған жылдардан бастап қа­зақ­стандық білім әлемдік дәрежеге са­ты­лап болса да көтеріліп келеді. Соңғы жыл­дары елімізде ғылым мен білім қатар да­мып, отандық өндіріске қолғабыс көр­сете бастады. Тіпті экономикамыздың даму көрсеткіштеріне де оң әсер етіп отыр. Осы ілгерілеушілікті байқаған Ел­басы өз сөзінде «Екінші және одан кейін­-гі бесжылдықтарда мобильді, мульти­ме­дия­лық, нано және ғарыштық техно­­ло-
гия­лар, роботты техникаға гендік ин­же­­нерия салаларын, болашақтың энергиясын іздеу мен ашудың негізін салған жөн. Таяу­­дағы 10-15 жылда ғылыми қамтымды экономикалық базис жасау керек, онсыз әлемнің дамыған елдері қатарына қосыла алмаймыз. Мұны дамыған ғылым арқылы шешуге болады» деді. Ендігі кезекте қа­зақ­стандық ғалымдар осы бағытта аянбай тер төгуге тиіс. Ол үшін шетелдік әріптес­теріміздің тәжірибесін қолданып, олар­-мен қоян-қолтық жұмыс істеуге тура келеді. Мемлекет тарапынан көрсетіліп отырған қолдау ғалымдарымызды қанат­тандыра түседі деген үміттемін.
Ғылыми қамтымды экономика құру – ең алдымен Қазақстан ғылымының әле­уетін арттыру екенін ескерткен Елбасы венчурлік қаржыландыру, зияткерлік мен­­­шікті қорғау, зерттеулер мен иннова­цияларды қолдау, сондай-ақ ғылыми әзір­лемелерді коммерциялау жөніндегі заң­наманы жетілдіру керектігін де баса айт­ты. Алдағы уақытта осы айтылған заң жобалары Парламенттің қарауына ен­гізілсе, қазақстандық ғылымның дамуы қарқын алады деген сенімдемін. Жылқы жылы қабылданатын заң жобасынан кү­тетін үміт мол. Білімді қаржыландыру кө­лемі артып, оның көлемі дамыған елдер­-дің көрсеткіштеріне теңестіріліп жатса, неге қуанбасқа?!
Ғылымды білімді шәкірттер мен бо­лашақ ғалымдар жасайды. Болашақ ға­лымдарға білікті оқытушылар дәріс беруі тиіс. Елбасы осы мәселенің де күрмеуін шешуді тапсырды. Яғни алдағы уақытта еліміздегі жетекші университеттерді ака­демиялық және басқарушылық автоно­мияға біртіндеп көшіруге ден қойылатын болады. Үлгерімі жақсы студенттер мен оқу­шыларды қолдау одан әрі жақсара түс­пек. Стипендия мөлшері 2016 жылы 25 пайызға тағы да артқалы отыр. Сон­­дықтан Елбасының биылғы Жолдауы мені ерекше қуантты. Жүйелі жоспар, межелі міндет, бағдарлы бағыт, ілкімді ізденіс бар­да қазақстандық білім мен ғылым өр­кендей береді.

Мәлімет көзі: aikyn.kz