Таяуда ҚР Білім және ғылым вице-министрі Тахир Балықбаевтың қатысуымен «Технологияларды коммерцияландыру» жобасын іске асыру жөнінде медиа-брифинг өтті. Қазіргі таңда ҚР Білім және ғылым министрлігі және Дүниежузілік банкімен «Технологияларды коммерцияландыру» жобасы іске асырып, соның арқасында Қазақстанның ең үздік ғылыми жобаларын іске асыра бастаған болатын.
Осыған дейін аталған жоба аясында ғылым және коммерцияландыру жөніндегі халықаралық кеңеспен ҒЗТҚЖ 33 коммерциялы-бағдарланған жобасы таңдап алынып,
іске асырылғанын айта кетуіміз керек. Айталық, Қарағанды мемлекеттік техникалық университетінде зертханалық орталықтың заманауи моделін құру, ғылымға түрлі қызмет көрсету саласын дамыту, ғылыми журналдарды басып шығару, Қазақстанда қолданыстағы барлық зертханалық қондырғылар бойынша ақпараттарды жинауға арналған материалдар жүргізу саласында web-порталды әзірлеу сынды маңызды жұмыстар қолға алынған-ды. Жоба компоненттерінің мотироингі нәтижелері бойынша, Дүниежүзілік Банкі мен Ғылым және коммерцияландыру жөніндегі Халықаралық Кеңесі жобаны іске асырудың жетістіктерін атап өтті. Бұдан кейін қолдаушы тараптар еліміздегі өнеркәсіп және бизнес қажеттіліктеріне отандық ғылымның бағытын қамтамасыз етуге мүмкіндік беретін ғылым мен инновацияны ынталандыру саласында жобаның келесі кезеңін талқылады. Брифингтің соңында ҚР БҒМ вице-министрі Тахир Балықбаев гранттық бағдарлама бойынша күрделі үш кезеңді іріктеуден өткен жеңімпаздарды құттықтап, оларға ғылыми әзірлемеге арналған грантты иелену туралы сертификатты тапсырды.
Нұрлан Жұмаханов

2771