Бүгін «ҰҒТАО» АҚ қызметкерлері Білім және ғылым саласын бақылау бойынша комитет төрағасы Саят Нүсіповпен кездесу өткізді. Басқосу барысында «ҰҒТАО» АҚ қызметкерлері орталықтың атқарған іс-шаралары туралы есеп беріп, алдағы жоспарларымен бөлісті. Өз кезегінде Комитет төрағасы Саят Нүсіпов «ҰҒТАО» АҚ департамент директорларының орталық жұмысын жақсарту турасындағы ұсыныстарын тыңдап, пікір алмасты.

Соңғы жылдары қазақ ғылымында ашық айтылып жүрген «жиендік жасау» мәселесі бұл кездесуде де талқыланды. Басқосуда «Антиплагиат» жүйесін жетілдіру, орталықсыздандыру секілді проблемалардың шешу жолдары қарастырылып, ғылымды дамытуға орталықтың қосар үлесі және ғылымға көрсетілер қызметтің сапасын жақсарту туралы сөз болды. Кездесу соңында екі жақты ынтымақтастықты нығайтуға бағытталған шаралар анықталып, нәтижелі істерге қол жеткізудің оңтайлы тәсілдері ұсынылды.

Арайлым Бимендиева,
«ҰҒТАО» АҚ Қоғаммен байланыс бөлімінің бас маманы

2862