Қаһармандық эпостарға қатысты («Алпамыс батыр», «Қобыланды батыр», «Ер Едіге», «Көрұғлы», «Шора батыр», «Қарасай-Қази», «Ер Тарғын» т.б.) барлық деректерді, мәтіндерді, қосымша материалдарды жинау, жүйелеу мақсатындағы іздестіру жұмыстары толығымен орындалды. Э.Б.Тэйлор, Дж-Фрезер, В.М.Жирмунский, В.Я.Пропп, Е.М.Мелетинский, Х.Короглы, М.Әуезов, М.Ғабдуллин, Ә.Марғұлан және т.б. фольклортанушы, этнограф, тарихшы ғалымдардың еңбектерімен танысу, жобаның ғылыми тұжырымдарымен салыстыру, орындаушылар арасында пікірталастар өткізу, ғылыми сараптама жұмыстарын жүргізу жүзеге асырылды.