Петропавлдық балалар картоптан қуат алуға машықтанып қалды. Олар сабақтан кейін мектепте қалып, түрлі зерттеулер жасайды.
5-сыныпта химия пәні оқытылмаса да, оқушылар кез келген көкөністен энергия өндіруді үйреніп алыпты. Мәселен картоп қуатынан кәдімгі сағат бірнеше күн бойы тоқтамай жұмыс істей береді. Қазір балалар осы бағытта терең ізденіп, ғылыми жоба жазуды діттеп отыр, деп жазады 24.kz.

«Жоба жазған кезде балалар шынымен өздеріне жаңалық ашады және сонымен пәнге деген қызығушылығы артады. Физика, химия, биология мен техника, ғылымға жақын болады. Және де болашақта мамандықтарын таңдағанда осы бағытта алады деп ойлаймын», - дейді мектеп директоры Данияр Уәлиев.

Дереккөзі: inform.kz