Қазақстан ғылымы

Министр Сәтбаев университетінде болды

13.09.2022

1291

Кеше ҚР Ғылым және жоғары білім министрі Саясат Нұрбек Сәтбаев Университетінің ғылыми жетістіктерімен, әлеуметтік жағдайымен танысты. Бұл туралы ҚР Ғылым және жоғары білім министрлігінің баспасөз қызметі хабарлайды. (https://www.facebook.com/gylym.jogarybilim/photos/pcb.128848839899320/128848516566019/)

Онда VR зертханасын және Ғылыми жетістіктер көрмесін аралап, ұшқышсыз ұшатын аппараттардың оқу-өндірістік зертханасының әзірлемелерін, кен орындарын талдау және логистикалық операциялардың интеллектуалды жүйелерін, сондай-ақ студенттердің Racing Team командасының жарыс машинасын, Сәтбаев Университетінің басқа да жетістіктерін көріп қайтты.

Саясат Нұрбек:

– Мемлекет басшысының бізге берген тағы бір үлкен тапсырмасы – ғылыми жұмыстың басым бағыттарын қайтадан қарап шығу. Қазіргі таңда алдымызда тұрған басты мәселелердің бірі – біздің жасаған әзірлемелерімізді халық шынымен де пайдалана алатындығына көз жеткізу. Екінші мәселе – су қауіпсіздігі мәселесі. Алдағы 3-5 жылда бұл мәселе ел қауіпсіздігі үшін стратегиялық маңызы зор тақырып болмақ. Сондықтан да дәл осы мәселе жөнінде мемлекет сіздің университетке үлкен үміт артып отыр.

«« | »»
Соңғы жаңалықтар