Тараз инновациялық-гуманитарлық университетінің ғылыми жұмыстар жөніндегі проректоры, Аймақтық Менеджментінің Академиясының академигі, техника ғылымдарының докторы, профессор Немеребаев Мұқатай Немеребайұлы Қазақстан Республикасы Жоғары оқу орындары қауымдастығының А.Байтұрсынұлы атындағы алтын медалімен марапатталды. Бұл марапат Мұқатай Немеребайұлына еліміздің жоғары білім беру жүйесінің дамуына қосқан зор үлесі, новаторлық ұсыныстары және жаңа буын мамандарды дайындаудағы инновациялық істері үшін берілді.
Мұқатай Немеребайұлы 4 монография және 23 оқулық пен оқу құралдарының авторы. 140-тан аса ғылыми әдістемелік мақалалары жарық көрген. Үш аспиратқа жетекші болып, олардың диссертациялары жоғары бағаланып, үшеуі де ғылым кандидаттары атанған. ҚР Білім және ғылым минстірлігінің 2009 жылғы «Жоғары оқу орнының үздік оқытушысы» атағы беріліп, төсбелгісімен, 2010 жылы «ҚР Білім беру ісінің құрметті қызметкері» белгісімен, 2014 жылы Жамбыл облысының әкімінің Құрмет грамотасымен марапатталған.
Университеттің профессор-оқытушылар құрамы мен ұжымы атынан Мұқатай Немеребайұлын аталған марапатымен құттықтаймыз. Жемісті еңбек пен қажыр-қайрат, зор денсаулық, отбасы амандығын тілейміз.

Дереккөзі: tigu.kz