Елордалық Кәсіпкерлер палатасы Астана қаласының кәсіби және техникалық білім беру мекемелері оқытушыларының арасынан ең үздігін таңдады, деп хабарлады. astana.gov.kz.
Сайыс екі кезеңнен тұрды. Бірінші кезеңге Астананың 34 колледжінен 17 оқытушы қатысты. Екінші кезеңге 11 үміткер ғана өтті.

- Сайыстың мақсаты - авторлық бағдарламалар арқылы жұмыс істейтін оқытушылардың инновациялық тәжірибесін көрсету, - деді Астана қаласы Кәсіпкерлер палатасы директорының орынбасары Айтуған Омаров.

Қорытынды бойынша, бірінші орын Политехникалық колледждің оқытушысы Ержан Түсіповке бұйырды. Екінші орын Кәсіби-техникалық колледждің оқытушысы Ерсайын Садуақасовқа, ал үшінші орын Менджмент және бизнес колледжінің оқытушысы Марғұлан Аманбековке және «Қаржы академиясы» АҚ колледжінің оқытушысы Эльвира Дубнинаға бұйырды.

Қалалық сайыстың жеңімпазы енді республикалық кезеңге жолдама алып, сол жерде өзінің білімін дәлелдеу мүмкіндігіне ие болды.

Дереккөзі: kazinform.kz