Орал қаласындағы жабық мұз айдыны сарайында жаратылыстану-математика пәндері бойынша республикалық олимпиада салтанатты түрде ашылды.
Еліміздің түкпір-түкпірінен келген үздіктерді БҚО әкімінің орынбасары Бақтияр Мәкен, ҚР Білім және ғылым министрлігі «Дарын» республикалық ғылыми-тәжірибелік орталығының директоры Шолпан Қирабаева құттықтап, оларға білім сайысында сәттілік тіледі.

Барлығы 717 оқушы 13-18 наурыз аралығында дарынды балаларға арналған С.Сейфуллин атындағы №11 облыстық мектеп-интернаты кешені мен М.Өтемісов атындағы Батыс Қазақстан мемлекеттік университетінде жаратылыстану-математика бағытындағы алты пәннен сынға түседі. Олардың білімін республиканың түрлі ЖОО-ларынан келген ғалымдардан құралған қазылар алқасы сараптап, мықтыларды анықтамақ.

Айта кетейік, қоғамдық-гуманитарлық бағыттағы пәндер бойынша республикалық олимпиада 24-29 науызда Атырау қаласында өтеді.

Дереккөзі: inform.kz