АСТАНА. ҚазАқпарат - Байқоңыр ғарыш айлағында «Инмарсат-5Ф2» ғарыш аппаратымен «Протон-М» зымыран тасығышын ұшыруға дайындық аяқталып қалды, деп хабарланды Роскосмос сайтында.
«Роскосмос сайтының «Онлайн трансляция» бөлімінде мәскеу уақытымен 15:00-15:40-та ұшырылымды тікелей көрсету жоспарланған. «Бриз-М» жүрдек блогымен, «Инмарсат-5Ф2» телекоммуникациялық ғарыш аппаратымен «Протон-М» зымыран-тасығышының ұшырылымы 1 ақпанда мәскеу уақыты бойынша сағат 15:31-ге жоспарланған», - делінген хабарламада.

Еске салсақ, бұдан бұрын Байқоңырдан «ПРОТОН-М» зымыран тасығышын ұшырумен ұшырылым бағдарламасы басталатыны хабарланған болатын. «Бриз-М» жүрдек блогымен, «Инмарсат-5Ф2» телекоммуникациялық ғарыш аппаратымен (Ұлыбритания) «Протон-М» зымыран-тасығышы 1 ақпанда (Астана уақыты бойынша 18 сағат 31 минут) ұшырылады.

Дереккөзі: inform.kz