Әлемдегі ғылым

ҚР Президенті Жолдауын талқыласақ...

02.09.2022

1322

Президент Қ. Тоқаевтың дәстүрлі қыркүйектегі «ӘДІЛЕТТІ МЕМЛЕКЕТ. БІРТҰТАС ҰЛТ. БЕРЕКЕЛІ ҚОҒАМ» атты Қазақстан халқына Жолдауы ел ішінде де, шетелде де кеңінен талқылануда.

Саяси жаңғыруды жалғастыру туралы айта келе, Президент құрылымдық экономикалық реформалар қажеттігіне ерекше назар аударды. Сонымен қатар, экономиканы дамытудың негізгі шарттарын, атап айтқанда, «макроэкономикалық тұрақтылықты қамтамасыз ету, экономиканы әртараптандыру және цифрландыру. Сондай-ақ, шағын және орта бизнес пен адам капиталын дамыту, заң үстемдігін орнықтыруды» ғылымның дамуына қажетті факторларға жатқызуға болады.

Соңғы кездері қазақ ғалымдарының озық әзірлемелерін енгізуге және жүзеге асыруға қабілетті жоғары технологиялық кәсіпкерлікті дамыту қажеттігі туралы көп айтып жүрміз.
Ғылымды қажет ететін экономика ірі бизнестің салымдары есебінен ғана қалыптасып қоймайды, мобильді, тәуекелдер мен өзгерістерге әрдайым дайын тұратын, нарық талаптарына бейімделген шағын және орта кәсіпорындар оның негізі болып табылады.

Егер біз шағын және орта бизнесті дамытуға қолайлы жағдай жасай алсақ, ҒЗТКЖ кәсіпкерліктің тәуекелді сегментіне бизнес пен ғылымның заңдылықтарын кәсіби деңгейде меңгерген үздік бизнес өкілдері келеді. Адал бәсекелестікті қамтамасыз ету және индустриялық даму қажеттіліктеріне назар аудару, мемлекеттік қолдау және заңнаманы сақтау ғылыми салаға инвестиция тартуға және елдегі инновациялық технологиялық кәсіпкерлікті дамытуды ынталандыру қуатына айналады.

Біздің ғылым ұзақ уақыт бойы ҒЗТКЖ нәтижелерінің негізгі тапсырыс берушісі және сатып алушысы болған мемлекеттік дотацияларға ғана тәуелді болып келді. Қ.Тоқаев жариялаған құрылымдық экономикалық қайта құрулар, мемлекеттің қатысуы мен қысымын қысқарту, экономиканы монополиясыздандыру Қазақстанда инновациялар, ғылыми-зерттеу және тәжірибелік-конструкторлық жұмыстардың толыққанды нарығын қалыптастыруға және бизнестің ғылыми нәтижелерге қызығушылығын арттыруға ықпал етуі тиіс.

Инновациялық ғылыми-технологиялық кәсіпкерліктің ерекшеліктері 2023 жылдан бастап ұсынылуы тиіс жаңа Салық кодексінде де көрініс табуы тиіс. Әлемдік тәжірибе көрсеткендей, экономиканың осы сегментіндегі салықтық жеңілдіктердің тиімділігін арттыру ғылыми-техникалық дамуға, білімді қажет ететін экономиканы қалыптастыруға ықпал етеді.

Ел Президенті жариялаған әлеуметтік-экономикалық қайта құруларда халық басты назарда. Әділетті мемлекеттің негізі – әрбір құрамдас бөлігі тұрақтылық пен прогрессивті дамуға ықпал ететін «азамат – бизнес – мемлекет» үштігінде.

Біртұтас ұлт пен берекелі қоғам қолдаған әділетті мемлекет бүгінгі заманның кез келген сынағына төтеп бере алады. Саяси реформалар, оның ішінде жеті жылдық мерзімге бір реттік президенттік билік ету нормасын енгізу туралы ұсыныс Қазақстан дамуының тұрақтылығы мен сабақтастығын қамтамасыз етуі тиіс.

Әділ Ибраев, ҰМҒТСО АҚ президенті.

«« | »»
Соңғы жаңалықтар