ҚР БҒМ Ғылым комитетінің төрайымы Жанна Дулатқызы өзінің әлеуметтік желідегі парақшасында гранттық қаржыландыру бойынша жарияланған жаңа конкурс аясында туындап жатқан сауалдарға байланысты түсіндірме берді.

Ғалымдар арасында халықаралық дерекқорда индекстелетін журналдарда соңғы 5 жылда жарияланымдарының болуы туралы конкурсқа қатысатын жобалардың ғылыми жетекшілеріне қойылатын талапқа қатысты сауалдың қайта көтерілгенін алға тартты.

Бұл талаптың алғаш рет 2020 жылдың мамыр айында енгізіліп, өте қызу талқыға түскені бәрімізге белгілі. Дегенмен, соңғы қиын қыстау жылдарының өзінде ғалымдарымыздың жарияланым белсенділігін келтірілген сандардан-ақ байқауға болатынын тілге тиек етті. Отандық ғалым Болат Кеңесовтің талдап, ұсынған деректері бойынша мысал келтіреді.