НАСА-ның ресми өкілдері 10-11 қазанда 86666 (2000 FL10) нөмірлі астероид Жерге жақын қашықтықта ұшып өтетінін хабарлайды. Мамандар адамдардың алаңдауына еш себеп жоқ деп отыр.
Олардың айтуынша, ғарыш денесі адамдардың өмірі мен Жерге еш қауіп төндірмейді.

НАСА мамандары бұл аспан денесі 86666 (2000 FL10) алғаш рет 1999 жылы тіркелгенін айтты. Ол кезде астероид және Жердің орбиталары қиылысқандықтан, ол жер маңындағы денелердің тізіміне жазылған.

Ғалымдардың зерттеуіне қарағанда, аспан денелерінен кем дегенде 20 жылдай біздің планетамызға қауіп жоқ.

Дереккөзі: inform.kz