Минералдық шикізатты кешенді қайта өңдеу жөніндегі Ұлттық орталықтың ғалымдары байытылуы қиын, жоғары кремнийлі полиметалл кендерін кешенді қайта өңдеу технологияларын әзірлеу және оларды тәжірибелік-өнеркәсіптік сынақтан өткізу, нәтижесінде жаңа түрдегі кешенді кремнийлі қорытпалар мен қорғасын-мырыш ұшырындыларын алу және әрі қарай қорғасын мен мырыш құрамды өнімдерді өндіру бойынша ғылыми жобаны жүзеге асырды.
Зерттеу барысында тәжірибелік-өнеркәсіптік жағдайларда қорғасын және мырыш өнімдерін алуға жарамды әртүрлі маркалы кремний қорытпаларын және қорғасын мен мырыш ұшырындыларын алудың оңтайлы параметрлері пысықталды. Ферроқорытпаның тәжірибелі партиялары алынды: -кальций және -магний құрамды, %: 40-45 Si, 18-20 Al, 8-15 Ca, 2-4 Mg және Feқалғаны, алюминий силикомарганец, Mn-28,60, Si-41,40, Al-14,05, C-0,067, Feқалғ.; ферросилицийдің ФС25, ФС45, ФС65 маркалары; алюминий мөлшері төмен борлы ферросилиций (алюминийді бөлу дәрежесі 94,3–97,3%).
Сондай-ақ қорғасын-мырыш ұшырындыларынан келесі тауарлық өнімдер алынды: техникалық талаптарға сай катодты мырыш (ЦВ0 маркасы), MgCl2·6H2O, MgSO4·7H2O және құрамында 83,5% Pb бар 3PbO·PbSO₄·2H₂O.
Зерттеу нәтижелерін металлургия, ферроқорытпа өндірісі, машина жасау және химия өнеркәсібінде қолдануға болады. Жұмыстың экономикалық тиімділігі мен маңыздылығы бастапқы шикізатты кешенді пайдалану деңгейін 2,18%-дан 35–65%-ға дейін арттыру арқылы қамтамасыз етіледі.
Ғылыми жоба: «Полиметалл шикізатын кешенді қайта өңдеудің принципті түрде жаңа технологияларын әзірлеу»
Жетекшісі: техника ғылымдарының докторы, профессор А.А. Жарменов
Фото ЖИ арқылы жасалды
