Nazarbaev University ғалымдары материалдың құрылымы мен жол асфальты негізіндегі қоспаның механикалық қасиеттері арасындағы байланысты зерттеу жобасымен айналысуда. Бұл іргелі түсінік Қазақстандағы жолдардың сапасын жақсартуға және жол саласына енгізу үшін көктайғаққа қарсы супергидрофобты материалдарды жаппай өндіруге жол ашады.
Жобаны жүзеге асыру кезінде наноматериалдарды синтездеудің золь-гель, солвотермиялық, хаммерс әдісі және электроспининг сияқты әдістері қолданылды. Зерттеу тобы супергидрофобты жабындыларды өндіру және синтездеу үшін арзан технологияны әзірледі. Технологияны жетілдіру мақсатында құрылымдарды түрлендіру, процестерді модельдеу және гидрофобты материалдарды алу технологиясын әзірлеу бойынша зерттеулер жүргізілді.
Жобаның ғылыми жаңалығы мұздануға қарсы қасиеттері бар супергидрофобты материалдарды мақсатты түрде синтездеудің қымбат емес технологияларын әзірлеуде және материалдарға әртүрлі функционалдық қасиеттерді беру үшін бетін модификациялауда жатыр.
Технологияның дайындық деңгейі (TRL 4) зертханалық жағдайда тұжырымдаманы тексеру сатысына сәйкес келеді және технологияның негізгі жұмыс қағидаттарының расталуын білдіреді. Жоба аясында 11-индикатор айқындалған, ол төрт нәтижелілік көрсеткішін қамтиды, олардың орындалуы зерттеу аяқталғанға дейін жоспарланған. Жобаны аяқтау кезеңіндегі мақсатты технологиялық дайындық деңгейі де TRL 4 деңгейінде белгіленген.
Ғылыми жоба: Жол құрылысы үшін мұзға қарсы перспективалық супергидрофобты материалдар жасау
Жетекшісі: Тоқтарбайұлы О.
Фото ChatGPT-мен жасалды
.png)
