Ғалымдардың назары M87 (Мессье 87) галактикасының орталығындағы аса ірі массалы қара құрдымға бағытталған. Наурыз және сәуір айларында олар оқиғалар горизонтының айналасында айналып тұрған дискіні түсіреді — бұл нүктеден жарық та, материя да шығып кете алмайды. Зерттеушілер бұл бақылаулар галактика орталығынан атқылап шығатын алып газ ағындары — джеттердің қалай пайда болатынын ашуға көмектеседі деп болжап отыр.

Кембридж университетінің астрономия профессоры Сера Маркоффтың айтуынша, бұл түсірілімдер қара құрдымның айналу жылдамдығын өлшеуге мүмкіндік береді. Оның сөзінше, бұл — қазіргі заманғы астрофизиканың ең маңызды мәселелерінің бірі.

 «Бәлкім, біз қара құрдымның айналу жылдамдығын және одан газ ағындарының (струялардың) қалай атқыланып шығатынын тереңірек түсіне алармыз. Бұл — біздің саладағы әлі күнге дейін шешілмеген ең маңызды мәселелердің бірі. Мұндай ағындар бүкіл галактиканың, тіпті оны қоршаған өзге галактикалардың да эволюциясын өзгертуі мүмкін», — деп түсіндірді Маркофф.