Ғалымдардың айтуынша, жүргізілген ғылыми зерттеулер рапстың жаңа селекциялық формаларының тиімділігін растады. Жұмыстар тәжірибелік алқаптарда ауданға бейімделген сорттармен қатар жаңа селекциялық үлгілерді пайдалана отырып жүргізілді.

«Биылғы маусымда Солтүстік Қазақстанның дала аймағы жағдайында өнімділікті және күйзелістерге төзімділікті бағалауға ерекше көңіл бөлінді», – деп атап өтті орталықта. Орақ заманауи техникамен жүргізілді, бұл өнім мен тұқымдық материал сапасын сақтауға мүмкіндік берді.

«Алдын ала нәтижелер өте қуантады: өнімділік сынақ аймағының бақылау көрсеткіштерінен жоғары болды; жаңа желілер күйзелістерге және жатып қалуға жоғары төзімділік көрсетті. Мәліметтер қосымша талданады, ал тұқымдық материал кейінгі егістер мен сынақтарға пайдаланылатын болады. Зерттеу қорытындылары ғылыми басылымдарда және салалық конференцияларда ұсынылады», – деді ғалымдар.

Сәтті өткен орақ науқаны рапстың жаңа селекциялық желілерінің өндірісте кеңінен қолдануға зор әлеуеті бар екенін дәлелдеді, деп түйіндеді орталық.