Шетелдік ғалымдар климаттың өзгеруінің салдарын қалпына келтіру ондаған жылдарға созылуы мүмкін екенін ескеріп, шұғыл әрекет жасау қажеттігін алға тартады. 

Антарктидадағы теңіз мұзының азаюы оның экожүйесіне теріс әсер етеді, деп дабыл қағуда. Маусым айында Климаттың өзгеруі бойынша үкіметаралық сарапшылар тобының жүргізген зерттеуінің нәтижесі бойынша Солтүстік Мұзды мұхит 2030 жылдарға қарай алғаш рет мұзсыз болады деп жариялады. 

Жаңа зерттеу Антарктика аймағындағы теңіз мұзының биылғы жылы жаһандық температураның көтерілуіне байланысты бұрын-соңды болмаған деңгейге дейін төмендегенін анықтады. Ғалымдар бұл мәселенің шешімін табудың жылдам жолы жоқ екенін атап өтті. 

Ғылыми зерттеу климаттың өзгеруінің Антарктидаға әсерін зерттеуге бағытталған, сонымен қатар континенттің ең аз жазғы мұз жамылғысы ақпан айында жаңа төменгі деңгейге дейін төмендегенін анықтады. 

Reuters агенттігі Frontiers in Environmental Science журналында жарияланған зерттеуге сәйкес, өткен жылы мұз қабаты 1978 жылы спутниктік бақылау басталғаннан бері алғаш рет екі миллион шаршы шақырымнан (772 000 шаршы миль) төмендегенін хабарлады.