Қ.И. Сәтбаев атындағы Қазақ ұлттық ғылыми-зерттеу техникалық университетінің инженер-ғалымдары әскери құрылыс нысандарының құрылысында аддитивті технологияларды қолдану технологияларын әзірлеуде. 

Жаһандық 3D басып шығару нарығы салыстырмалы түрде жас болғанына қарамастан бұл саладағы алғашқы жобалар осы ғасырдың бірінші ширегінде ғана жүзеге асырыла бастады. Қазіргі уақытта аддитивті технологиялар барған сайын кеңінен таралуда. Көптеген сарапшылар жақында құрылыс тәжірибесінде аддитивті технологияларды қолдануда серпіліс болады деп есептейді. 

Құрылыс сияқты консервативті сегментте 3D технологиларын пайдалану сөзсіз маңызды құрылымдық өзгерістерге әкелетінін ескеру қажет. Дәл осы құрылыс саласында әдетте арзан жұмыс күші кеңінен қолданылатыны белгілі. Оған қоса белгілі бір сапа мен қауіпсіздік стандарттары да бар. Бұл көбінесе әскери құрылысқа қатысты. 

Әлемдік тәжірибені талдау барысында аддитивті технологияларды қазірдің өзінде жетекші елдер әскери құрылыста кеңінен қолдана бастағаны белгілі болды. Солардың бірі құрылыстық 3D принтері арқылы әскери казармалар мен ангарлар салу арқылы бұл технологияны сәтті сынақтан өткізген АҚШ теңіз жаяу әскері екен. 

Нәтижесінде аддитивті технологиялар құрылысқа қажетті жұмыс күшін, уақытты және қаржыны азайтатынын көрсетті. Бұл жобаның артында тұрған Icon компаниясы құрылыстық 3D принтері ретінде порталдық роботты және 3D басып шығару әдісі ретінде контурлық шеберлікті пайдаланады. 

Заманауи коммерцияланған жобалар, соның ішінде Icon, 3D принтерлеріне негіз ретінде порталдық, үшбұрышты, полярлық және сериялық роботтарды пайдаланады. Бірақ бұл технологияларды агрессивті орта болып саналатын және арнайы дайындалған құрылыс алаңы мен құрылыс іргетасын қажет ететін дала жағдайында пайдалану оңайға түспейді. 

Қазақстандық инженерлер ұсынған тұжырымдамаға сәйкес, агрессивті ортада жұмыс істеуге арналған құрылыс техникасы, атап айтқанда, экскаватор құрылыстық 3D принтері ретінде жұмыс істеуге бейімделеді. Осы мақсатта жетілдірілген монолитті әдіспен басып шығаратын арнайы басып шығару бастиегі жасалған. 

Экскаватор қалақтарымен шұңқыр қазып, құрылыс алаңын тегістейді, содан кейін шөмішті баспа бастиегімен ауыстырады, алдымен іргетасын құяды, содан кейін қабырғаларды басады. Бетон мен арматура экскаватор жебесінің бойымен тасымалданады және басып шығару механизміне жеткізіледі. Құрылыс алаңында төбені тегіс бетке басып, басып шығару бастиегі ілмекпен ауыстырылып, төбені көтеріп, қабырғалардың үстіне орнатылады. Осылайша, бір техниканы пайдаланып, әскери нысанды салуға болады. 

Ғылыми жобаның мақсаты құрылыс техникасын құрылыстық 3D принтері ретінде жұмыс істеуге бейімдеу және әскери құрылыс жобаларын салу үшін оған орнатылған басып шығару бастиегін жобалау және әзірлеу болып табылады.